ثقافه الستانس stance هيا ظاهرة مش جديده ...بعض الناس شايفه الستانس stance على انه تهبيط للعربيه و خلاص لكن الستاتس stance حاجه و التهبيط حاجه تانيه خالص اساس الستانس stance هوا تقليل الخلوص او المسافه بين الاطارات و جسم العربيه و دا اللى بيخليك تنبهر لما بتشوف عربيه بالمنظر دا 

طبعا اللى بيعمل عربيه ستانس stance بيبقى فاهم هوا ازاى هيمشى بيها كدا و بيبقى فاهم ازاى هيعدى على اى مطب غير كدا يبقى مش فاهم يعنى ايه ستانس stance ….

اول حاجه هتختار مقاس الكاوتش و الجنط المناسب وهتلاقى فى السوق انواع وماركات كتيير اهم حاجه تختار المقاس و الابعاد المناسبه لعربيتك

الطريقه الاولى وهى انك هتقص حلقات او هتركب حلقات مضغوطه ودى طريقة رخيصه جدا وعيوبها انك وانت ماشى بالعربية هتحس بكل المطبات سواء كان مطب عالى او واطى دا غير انها بتعمل كسور وشروخ فى الحوض عند بطاحات المساعد

الطريقة التانية وهى انك هتشترى coilovers اللى احنا بنقول عليها العفشة الرياضية او العفشة السبور او العفشة الاسبورت كلها مسمى واحد

وال coilovers هوا اختصار ل coil spring over shock و هو عبارة عن تجميع للحلقات او اليايات و المساعد كوحده تعليق واحدة زى اللى فى الصورة بالظبط ودا coilover لعربية lexus